فرش توخیان خیرداجا قیز

یاغیش آلتیندا بیر قیز دفتر مشقین بئله یازدی
عشقیم نجه گور حادثه سازدی
اوزومون قیرمزی سی سیلیه بازدی
گن ننده باخان فکر اییلیر همسایانین اوردکی قازدی

اوندا کی اوشاقلار آدینی مکتبه یازدی
شاگردینی استاد فلک ایلمیه یازدی
دنیاده منه بیرجه شیشیله دفه یتدی
قارماخ گوتوروب بوی آتماغا ایلمیه یتدی

پیچاغین ضربسی بوی سسلری فرشین منه سازدی
فلکین جهرسی یانسین الیمه اینه وریب قبریمی قازدی
آشاغا گولدی بالیخدی ، یوخاری چایدی آرازدی
اورگیم دریادی ، بختیم نه دایازدی

ساغ سولوم داغدی دوماندی باشیمین اوستی بوراندی
فرشیمین هر لایی بیر آیه قرآندی
اوخویان فیضه چاتاندی
توخویان خسته قالاندی

گون چیخاندا باشیما چارقاتی سالدم
آنیمنان آخان قان تریله دستاماز آلدم
گون باتدی گینه ده نمازیم ،قربته قالدی
کوشنده طبیعت قارا بیر یورقانی سالدی

دوسلاریم درس اوخویوب مکتبینین مدرکین آلدی
اوزون ، هر رنگه سالیب مین لرینین قلبینی آلدی
فرشین اوستونده منیم، اوز گوزومون رنگی سارالدی
گوزومون نوری آزالدیخجا ، چراغلاندی او یاندی

اوزومون رنگی سارالدیخجا ، اونون قیمته قاخدی
فرشیمین قیمتی قاخدیخجا ، منه احسنی قالدی
آرادا ، مفته پولی دللالینان اربابا قالدی
مادمازل کیم ایاغی آلتینا یا پلییه سالدی

......................................
............................

شعر از: شهریار اسدپور

در س.ن. بیست و هشت مرداد ماه نود و دو