پروانه عشق حسین (ع)

پروانه اگر جانینی اوددا یانار ایتدی
تقصیری ندور شمعی مقصیر تانوروخ بیز

عاشق اوزنی عشقده ثابت قدم  ایتدی
شمعین ندی تقصیری که محکوم ایدوروخ بیز

 معشوقه اگر جانی نثار ایتمئسه عاشق
بو عشقه بها ویرمیاجاخ عالمی هرگز
 

قان آخماسا گر اولماسا خونین کفن عاشق
بیتمئز له چمنلرده یقین لاله و  نرگیز


عاشقدی که اوز قانینی یرده آخار ایتدی
بو باعث اولوب آدینی دیللرده دئیرسیز

عاشق گوتوروب پرچمی سو مشگینی یردن
نهره طرف عزم ایلدی بیرده داخی گئلمز

ویردی الین اوز دینینه قربان بو عاشق
عشق اهلی بوللر بوسوزی اوزگسی بیلمز

 مشگین سویو آخدی گوز اولوب تیره نشانه
بو عشقیده عاشق داخی عالملره گئلمز


 توک گوز یاشنی شیعه عزا ساخلا بو شیره
تا حشره کیمی بیربله عشق اهلی گورونمز

قولسوز بدنین قانی آخوب یازدی حسین جان
باخ عشقه نه عاشقدی بو عاشق دیله گئلمز


گئلدی باشینی آلدی دیزی اوسته حسین جان
گوردی گوزینی قانیله دولموش داخی گورمز

عرض ایتدی گوزون آچ سنه قربان بو حسینین
سیلدی گوزینی گوردی حسین ساغ گوزی گورمز

وردی باشینا آهی گئدوب عرش خدایه
زهرا آناسی دادینه آیا نیه گئلمئز


عرض ایلدی دور بیرده گئداخ خیمیه قارداش
گتسن منیله خیمییه زینب بورا گئلمز


دور منله گئداخ خیمیه قیزلار  نگران دور
سندن سورا هیچ عترتیمون اوزلری گولمز

عرض ایتدی حسین جان منی عفو ایله بو امره
شرمنده دور عبّاس داخی اخیامه گئد ممز


گوزلور یولومی خیمه ده جام ا لده سکینه
سو قولینی ویرموشدی بو عبّاس گئده بیلمز

قویسون نجه قارداشینی لشگر  آرا سیندا
فکر ایله حسین خیمیه گئتسون گئده بیلمز

قولسوز بدنی دشمن اچینده نجه قویسون
گوزلور یولونی خیمه ده قیزلار قالا بیلمز


جانیمده فدا دور بیله مولایه بو عشقه
ال ساخلا اسدپور بیله بیر عشقی گورونمز

 -  هشتاد هشت  / چهار  /  بیست شش  -   آلهیار اسدپور 

- نوکرم من درگهینده یا اباصالح -