وصف عشق
وصف عشقی من سوروشدوم شمعدن پروانه دن
سویلدی سن گت سوروش مجنونیدن دیوانه دن
من نه یم عشقم نه دور عالمده خاص عام اولام
عادتیم دور شمع گورسم جسم و جانیم دن دویام
یاندی بو بال و پریم شمعین وصالینده بلی
گچموشم بو جسم و جاندان شمعدن اوتری ولی
یاندروب اوز جانمی رسوای عالم ایلدیم
عشقیمی بو نوعیلیه من شمعه اظهار ائلدیم
گت سوروش مجنوندن لیلادن اوتری نیلدی
چوللره دوشدی اوزون رسوای دنیا ایلدی
عشق لیلادن اوتور چوللرده قالدی ماه و سال
گتگیلن مجنوندن بوسوزلرین الهامین آل
خوابده مجنونی گوردوم سویلدیم مجنون جان
سویله عشقین سرنی پاسخ ندور ایله بیان
سویلدی مجنون نه یم، من عشق تفسیر ایلیم
دوزدوکی من عاشقم، لیلا منم، من لیلیم
لیلیه مشگل یتنده من اونی درک ایلیم
اولماسا لیلی بو دنیا ملک و مالین نینیرم
عشق سوداسین گدوب شاه شهیدان نان سوروش
اصغر شش ماهه دن اول مرغ رضوان دان سوروش
قا سمی دامادیدن قا نلی حنا لردن سوروش
اکبری شه زاده دن شبه پیمبردن سوروش
گت فرات اوسته بو عشقی سبط حیدردن سوروش
گچدی اللردن گوزون دن شیر زهرادن سوروش
گت فرات استه شهید نهر القمدن سوروش
زینب بیچاردن لیلای اکبردن سوروش
عشقی سن گت کربلاده خردا قیزلار دان سوروش
الده سو جامی باخان نهره اوشاقلاردان سوروش
کوفه و شامین یولوندا گت اسیر لردن سوروش
شامدن تا کربلایه گت او یوللار دان سوروش
عابدی بیماردن نازلی بالا لاردان سوروش
گت خرابه گوشه سینده آغلیان لاردان سوروش
عشق سوداسی چکوب کرب و بلایه شامدن
مرقد شاه شهیدان دلاوردن سوروش
اگلشوب عرض ائتدی گلدوم یا حسین دیداروه
زینب و کلثومدن غملی بالالاردان سوروش
عشق معنا ایلدی کرب و بلاده شاه دین
گت گیلن اول آلتی قوشه قبر اطهردن سوروش
بو اسدپور آرزو ایلر زیارت شوقی وار
ثبت اولا دفترده اشک دیده تردن سوروش
هشتاد و هفت سه بیست و پنج - الهیاراسدپور
نانجیب زادنی گر دهرده سلطان ائدسن